اصدقائي الاعزاء ..
كل عام وانتم بخير
رمضان كريم ...انتم على موعد مع
((((( يوميات المسحراتي )))
الليلة المباركة الثامنة
&&&
مسحراتي بسهر ليلاتي ..
وفي البلااااااااااد دوار
بقول أهاتي وعمال اهاتي
لحد ما اصحي اهل الدار
يا اللي ناسي اهلك و ناسك
ياللي مدي وشك لفيسك
وشاغلي نفسك بحيصك وبيصك
انا جاي النهارده اقولك كلام
يا صاحبي في المضمون
كلام بدايته السلام
كلام مفهوش الظنون
قبل الليلادي ما تنام
اديها رنه من التليفون..
هتلاقي الكل لجنابك منتظرون
اخوك أ و أختك أوصاحبك وجارك
أو ستك وجدك أو عمك وخالك
صحصح لي شويه
وفوق لي حبه يا غفلان
اسئل يالله عليهم
محدش فيهم عليك صعبان
اصحي يانايم وحد الدايم
اذكر لربك اذكر يا صايم
قوم صلي فجرك
قوم صلي حاضر
امسك كتابك ..خليه في يمينك ..
ابدء في يومك بذكر ربك
اقفل جهازك قوم صلي فرضك
رمضـــــــــــــــاااااان كــــريم
&&&&&&&&&&&&
بيبو السويفي ....المسحراتي
ليست هناك تعليقات:
إرسال تعليق