اغنية الام
من ديوان (كلمات لها معانى مع اجمل الاغانى)
كلمات الشاعر
ادهم عبده مجلى
(ادهم العوضى)
★★★★★
احلى الحكاوى بتتحكى
عنك اه يا يا اما
مهما قلوبنا بتشتكى
دوانا فى الضمه
بعد الحبيبه الغاليه
ما لينا تانى احباب
يا اللى حياتك دنيا
رحتى بدون أسباب
غير انه قضا ربنا
ومليتى قلبى عذاب
ونهارى بقا ضلمه
اه يا امااااااه
موال ★★★★★
يا احلى حاجه فى حياتنا
يا بسمه حلوه فى دنيتنا
يا شايله اى هموم عنا
يا منوره لينا سكتنا
★*★*★*★
عرفنا منك طعم الحب
يا ساكنه روحنا وساكنه القلب
ده لو فى يوم نبعد عنك
البعد عنك اكبر ذنب
★*★*★*★
الجنه فى وجودك يا امه
دنيتنا من غيرك ضلمه
وافديكى والله انا بروحى
واعيش واقول اجمل كلمه
★*★*★*★
يا احلى حب يا قلب كبير
يا حب غالى من غير تفكير
ده سعادتى ونعيمى فى رضاكى
ودعاكى ليا ده احلى مصير
★*★*★*★
يا اللى انت قلبك متحجر
امك حياتها ما تتقدر
احرص على رضاها ونوله
من غير رضاها هتتعسر
★*★*★*★
امى الحبيبه يا واحشانى
يا أحلى حاجه فى زمانى
الدنيا فى بعادك رايحه
ولا راضيه يوم تستنانى
★*★*★*★
مش لاقى فى الدنيا انا غيرك
يدينى حاجه من خيرك
خيرك عليا ما يتقدر
هأشوفه تانى اما اجيلك
★*★*★*★
يا جنه فى الدنيا يا أمي
شريان حياتى أنتى ودمى
متفرقين أنا وأخواتى
وأنتى اللى كنتى بتلمى
★*★*★*★
احلى السنين فى حياة الام
من غير وجودها نشيل الهم
من بعد امى ما ليش احباب
فى الدنيا ديه لا خال ولا عم
★★★★★
ليست هناك تعليقات:
إرسال تعليق