المسحراتي
دقت طبول رمضان
اصحوا يا نايمين
اول سحور رمضان
بعد بكره يا صايمين
ياله علقوا الزينة
خلوا حاراتنا تزين
وعلقوا الفوانيس
بالألوان متلونين
الله عليكي يامصر
بناسك الطيبين
والمسحراتي هيطبل
اصحوا يا نايمين
الله علي روعة لمتنا
علي السفرة متجمعين
ويارب بارك لمتنا
دايما ليوم الدين
وصباح يوم الأتنين
إن شاء الله صايمين
والصلاة والعبادة
عليها اكيد محافظين
ونحن كمان علي بعضينا
والخير لناسنا واهلينا
والفقراء منا وعلينا
دا أسمة الشهر الكريم
دقت طبول الصوم
ويارب عنا وقوينا
ونصوم كمان وكمان
وبارك لنا وفينا
ومرحب يا شهر الصوم
نورت ليالينا
بقلم
احمد محمود
ليست هناك تعليقات:
إرسال تعليق