كل عام وكل أم بخير وعافيه وسعادة
وربنا يرحم والديكم جميعاً
اغنية الأم جنة
ادهم عبده مجلى
(ادهم العوضى)
جنة: فى وجودها هأتهنى
جنة: مين غيرها هأتمنى
جنة والحياة من بعدها مش اى نار
أُمى اللى كان لي حضنها سكن ودار
قلبي: موجوع من بُعدها ولا فى اختيار
بأحلف : باللى خلق الكون لميعادها هأستنى
جنة فى وجودها هأتهنى
جنة مين غيرها هأتمنى
★*★*★*★
يا اللى الحياة من بعدها ما تساوي شئ
وانا فين هالاقى زيها ضاع الطريق
ده الأم ديه حياه
ومعاها ننسى الآه
وبالاقى فرحى فى قلبها
من قبل ما بالقاه
باجري عليها وابوسها
من ايدها او من راسها
واتمنى تفضل جنبى
واعيش في خير إحساسها
ياأمي يا اغلى ما ليا
يا فرحى ونور لياليا
ده نورك ضي عنيا
وكل حياتي دى منك
بحبك ماأقدر اخبي
وطاعتك رضا من ربي
وحبك ساكن قلبي
ماأقدرش استغنى انا عنك
★*★*★*★
عيش الحياة فى الجنة مع اغلى شئ في الكون
وصى الرسول فى السنة برضاها مهما يكون
ده رضاها ده طاعة
فى دنيا خداعة
باتمنى لو تدعيلى
من قلبها ساعة
وهأعيش و هأتهنى
فى الأرض دى جنة
ويرضى ربي عليا
ولا اي شئ غيرها اتمنى
ياأمي يا اغلى ما ليا
يا فرحى ونور لياليا
ده نورك ضي عنيا
وكل حياتي دى منك
بحبك ماأقدر اخبي
وطاعتك رضا من ربي
وحبك ساكن قلبي
ماأقدرش استغنى أنا عنك
★★★★★
أدهم عبده مجلى
(ادهم العوضى)
ليست هناك تعليقات:
إرسال تعليق