مخنوق
فيه خلق عايشه مروِّشه
على كل حاجه مكوِّشه
وخلق مالها حقوق
فيه ناس بيبانها مصفحه
ناس شُرَّاعِتها مشرّخة
والباب كمان مفلوق
سايباني ليه تعبان كده
مهموم وعيشتي منكده
من العياط مفلوق
فيه ناس معاها حريم دلع
ولحدي ليه جه واتمنع
محروم محبه وشوق
فيه ناس لناس صحبه وونس
لو عين تنام فيه عين حرس
وانا قَدَري صاحب سوء
عايش بعاني في وحدتي
كلمت ياما مخدتي
ما سمعشي ولا مخلوق
يا دنيا ليه كده والنبي
ليه غاويه فيا تعذبي
لا طولت مصري ولااجنبي
ولا ليا حق لجوء
ماهو ياتسيبيني اعيش كده
ويكون هواكي ملو الرئة
يا تاخدي مني الروح بقى
والموت يكون لي الطوق
مخنوق
بقلمي/ خالد جمال ٦/٣/٢٠٢٤
ليست هناك تعليقات:
إرسال تعليق