إدعي ربك

 إدعي ربك

اوعى تزهق أو تمل

اوعى تتعب أو تكل

او تقول اتعقدت وماليها حل

مهما الاجابه اتأخرت

ودموع عنيك

نشفت خلاص واتحجرت

هتشوفها فجأة اتغيرت

والخير عليك تلقاه يهل

دايما ادعي وقول يا رب

لو الأمور متبدلة والحالة كرب

كل الدروب متقفلة مش لاقي درب

قادر يخلي النار رماد

وف لحظة تلقى الشرق غرب

بس اوعى تدعي

على حد ظلمك

لو مهما كان

جه ف يوم عليك

خد حق ليك

او من نعمه كان حرمك

ربك وكيلك هينصفك

هيرد حقك لو بعد حين

عمره ف معاده ما هيخلفك

هيدمره لو هوَّه مين

هتهدى نارك ويخف فيك المك

يا ريت كمان يكون دعاك

للناس كده اعم واشمل

ادعي لكل المؤمنين والمؤمنات

بالخير لكل أمة محمد

بالهداية والمغفرة لمن أساء

إن كان أخطأ أو تعمَّد

برضه تدعي للي ماتوا

للي سابوا الدنيا وسابوك

للي كانوا بين ايديك

وفي لحظه غابوا وودعوك

برحمة وعظيم مغفرة

بس خص من الدعا امك وابوك

ربك مليك

مالوش شريك

عمره مابينسى مين ناداه

ان كان ف رزق زاده وكافاه

وان كان في توبه عن معصية

تلقاه هداه

لا عمره يوم هيرد فيك

مدة ايديك

ده احن منا على الضنا

وأدرى منك بيك

جوه روحك نبض قلبك

ادعي ربك

بقلمي / خالد جمال ١/٣/٢٠٢٤

عرض الرؤى

معدل وصول المنشور: ١٨

كل التفاعلات:

٢محسن عبدالمعطي عبدربه وارق ملاك

٤ تعليقات

أعجبني

تعليق

إرسال