شرقاوي
««««»»»»
أنا شرقاوى الهوا بعرف
في الأصول متربى علي
الشهامة والكرم والكلام
وكله بالأدب موزون
بمزان دهب وإللى معاه
الأدب زى الماس غالى
يقعد ويتكلم والكل
منه يتعلم
دة صاحب مقام عالى
وفلاح وشاطر وحي
علي الفلاح للشعر غاوى
بكتب غناوى وكمان
خواطر وأقول مواويل
والقلب مرتاح وراضى
والكرم دا طبعنا بيجرى
فى دمنا ورث أجدادى
زي كل الموجدين هنا
بالتمام الكل فوق رأسى
مافيش بينا غريب
مين يا ناس علي الكرم
يقدر يعيب
وزي العلم معروف
بينضرب بينا المثل في
كل مكان شرقاوى أبو
الكرم صاحب واجب
وخادم لكل الناس
مقدرش أقصر لا تبقي
عيبة في حقي والناس
تأكل وشي
وأحترام الناس واجب
الكل أهلي وناسى
ودة عمي ودة خالى
ولو كلامى مش عاجب
مايهمنيش وهي
العين بتعلا ع الحاجب
والكل يشهد بحلاوة
لسانى
وأبويا وصانى تكون
خادم لناس يعلا مقامك
وربك يسعد
حياتك وفي الآخرة
بكرمه تنول جزائك
أنا شرقاوى وللشعر غاوى
بقلمي/ هشام محفوظ
ليست هناك تعليقات:
إرسال تعليق