فات الأوان بقلم أحمد شاهين

 فات الأوان بقلم أحمد شاهين

ناس كتير تجرّح فى ناس

ويجوا يمشوا فى يوم عزاهم

تلقى وقت الدفنه ناس

حتى ناس سايبين شقاهم

لجّل يخدوا اللقطه بس

كنتوا فين ولا بيكوا حسّ

لما كان عايش معاهم

ليه جايين بعد إما مات

بالدموع تبكوا عليه

ليه بتحلّو الصِفات

لما بقى مأسوف عليه

كنتوا فين يوم لما جالكوا

كنتوا فاقدين فيه أملكوا

ولا يوم شافكوا بعينيه

كل دا علشان تجاملوا

وناس يقولوا دا طيبين

دا إنتوا ضيعتوله أملّه

يبقى ليه مستغربين

روحوا يلا الله يجازيكم

ياما كان بِترجىّ فيكم

وانتوا ضيعتوه بإيديكم

فعلآ إنتوا مُجرمين

هو الله يرحمه

وانتوا لازم تفهموا

البُكا مش راح يفيد

مهما حتى تندموا

ناس كتير بعد الأوان

بِحلموا يعيدوا الزمان

ما خلاص كان اللى كان

يلا عزوّا وسلِموا

كلمات أحمد شاهين

عرض الرؤى

معدل وصول المنشور: ٤

كل التفاعلات:

١١