انت ياراجل
اللي متجوز ومخلف عيال
وبقالك سنين طويلة مقضيها مع بنت الحلال
عايشه معاك عالحلوة والمرة
وصابرة معاك ومتحملة
احمد ربنا ولازم تسجد للرحمن
اللي هداك بنت العالم والناس
متربية احسن تربية
بنت اصول عالأصل دور
لازم تحطها بعنيك
وتكرمها عشان ربنا يكرمك
تصور لو انك واخد واحدة من بنات الهاي الهاي
كانت ماتستحملش معاك العيشة دية
لازم تحكم بالميزان وبالعدل
مابين مراتك وام عيالك
ومابين اهلك الكرام
ماتظلمش حد فيهم لامراتك
ولا امك ولا ابوك
بس ياخسارة فيه رجاله مناخيرهم عاليه لفوق
يظلم بنت الناس الكمل اكراما لاهله
وهو متناسي انه لاطاعة لمخلوق في معصية الخالق
زي مالازم تكرم وتعتني بامك وابوك
برضه واجب عليك تقدر وتحترم شريكة عمرك وتعاملها بكل حنية
لانها بصراحة هي كنز ان راحت من بين ايديك
مش هاتلاقي واحدة زيها تلمك وتحبك وتصبر معاك صبر ايوب
ياويلاه من الرجالة ناكري المعروف
بعد عشرة عمر طويلة ام العيال والاولاد الغوالي
يضحوا بكل حاجة
يتعنتروا عشان يثبتوا انهم رجاله
الرجولة مش بالقساوة والظلم والعنترة
ولا باستعمال الطلاق
الخنجر السام اللي يهدموا فيه بيت العيلة
سم الطلاق هايصيبوا هو ومراته وعياله ويدمر اسرة كلها
اصحى ياراجل مراتك هي امانة عندك والامانة صعبة جدا لازم تحافظ عليها وتحطها جوا قلبك
ماينفش الندم بعد فوات الاوان
وتقول ياريت اللي جرى ماكانش ولاجرى
اللي اتكسر مش هايتعوض
وتقضي بقية عمرك ندمان
بتاكلوا صوابعك من الندم
عارف البديوي
ليست هناك تعليقات:
إرسال تعليق