لمّا انت عارف إنّ انت منه

 لمّا انت عارف إنّ انت منه

وإنّ انت ليه

وكل نِعَمُه ليك سخّر

مستني إيه ماتوب إليه

إرجعله بدري

ليه تروحله متأخر

ده العمر

أسرع حاجه بتمر

كاس ميه هوّه

محطوط على الجمر

في ثواني يتبخر

ما تقولشي بدري والساعة كام

دي احلى حاجه تستسمحه

والناس نيام

دي ساعات ما تتقدر

دايما حبيبك مشتاق إليك

مشتاق يشوف مدة إيديك

لمعان دموع جوه ف عنيك

دمعة ندم تمحي الذنوب

لو كت جبال تنهار تدوب

ف ثواني تتكسر

لحظات تمِسّ القلوب

اوعاك فيها تفرط

ألحقها قبل الغروب

ليه تندم وتتورط

بس انت قولُّه يا رب

والجأ إليه دايماً

تلقاه فاتحلك بيبانه

من قبل ما تخبَّط

بقلمي / خالد جمال ١/٣/٢٠٢٤

عرض الرؤى

معدل وصول المنشور: ٢٢

كل التفاعلات:

١محمد شتا