اغنية كنتوا السند
أدهم عبده مجلى
(ادهم العوضى)
★★★★★
عايزينى أنسى ظلمكم وانسى اللى فات
مات من قساوة قلبكم
بعد اللى كان له منكم
وكان بيحكى عنكم حكاويه سُكات
وانا قلبي كان أخضر برئ
مستني ترووه بالحنان
خدتوا الحنان وسط الطريق
سيبتوه مالاقي بر أمان
ولا شافش خير كده منكم غير ذكريات
★*★*★*★
يا اللى انتوا كنتوا السند
ولا ليا ناس غيركم
ظلم فى قلوبكوا اتوجد
وشيطانكوا قدركم
على اللى لسه بيحبي فى الدنيا والأيام
ازاي قدرت تخبي وازاي قدرت تنام
وراح ضميرك فين
وازاي اه بيه عايشين
ليه بس مش حاسيين وحياتكوا فى الأوهام
مأنا قلبي كان أخضر برئ
مستني ترووه بالحنان
خدتوا الحنان وسط الطريق
سيبتوه مالاقي بر أمان
عايزينى أنسى ظلمكم وانسى اللى فات
★*★*★*★
قدري تكونوا اهلي
مش حظ ولا ذنوب
بأمشى الحياه على مهلي
لآجل ما الاقي قلوب
وأشوف معاها الخير واعيشه وياها
واطلع لفوق كالطير فرحانه بعُلاها
وأنسالكوا ظلم زمان
وسنين أسى وحرمان
و هأبدل الاحزان وحياتي هأهواها
مأنا قلبي كان أخضر برئ
مستني ترووه بالحنان
خدتوا الحنان وسط الطريق
سيبتوه مالاقي بر أمان
عايزينى أنسى ظلمكم وانسى اللى فات
إيه اللى باقى منكم غير قلب مات
★★★★★
أدهم عبده مجلى
(أدهم العوضى)
ليست هناك تعليقات:
إرسال تعليق