« النيش »
قال ايه الجوازة متكملش
الا بالنييييييييييش
ومتسألنيش لاني اجابه
متلاقيش معنديييش
واوعى وشك ومتقوليش
من غيره الجوازه مافيش
مين اللي قال النيش موش
ضروري يبقى مابياكلش
كراتيه ولا كرانشي
العريس. طيب نجيبه درفتين
العروسه وامها.. لاينور العين
اقل من اربع درف متفكرش
ومتكلمناش. ولازم نشوفه
ونعاينه ونختارة بالعين
امال هنحط الصيني والفضية
والكاسات والمحتاجات اللي
كلها بنعرضها ومبنستعملهاش
فين عند الجيران يعني
متحيرناش معاك. وخليك
كول ولطيف زي جوز اختها
البكرية اسم الله عليه جويش
جاب النيش ودفع لصاحب
المعرض ثمنه بزيادة وبقشيش
والله عشنا وشوفنا ناس
بجحه و متختشييييييش
يقولوا علي النيش موش
ضروري عايزين الجوازه
تبوز ومتكملش قال ايه
على حتة نيش
وماتبحلقش فيا ياخويا
ومتذغرليش ومتخوفنيش
بنتي موش بايرة ولا رميه
وعارفه قيمتها يانور العين
لم نفسك وسهلها متعقدهاش
ومتخلنيش احلف يمين
الجوازه بح و مافيش
انا عصبية ومبستحملش
وكفايه كلام كثير و وش
ايه ياخويا الجوازة الملحه
والحدقه دي اللي زي المش
مايحكمش والكلام والجدال ده
معانا مابياكلشششششششسش
نيش يعني نيش لا جوازه مافييييييييييييييييييش
بقلم /عاطف محمود «مصر»
ليست هناك تعليقات:
إرسال تعليق