كلمات وأداء أخيكم
اصدقائي الاعزاء ..
كل عام وانتم بخير
((((( يوميات المسحراتي )))
الليلة المباركة السادسة
بيبو السويفي
&&
مسحراتي بسهر ليلاتي ..
وفي البلااااااااااد دوار
بقول أهاتي وعمال اهاتي
لحد ما اصحي اهل الدار
انا جاي الليلادي .. احكيلكم حكايه..
قصه في بلدنا .. تنفع روايه..
عن شاب صايم.. لصلاته قائم
راكع وساجد
بيشكي همه بس لربه
صابر وراضي بقضاه وقدره
سحوره تمره حباية سمره
تصلب له طوله .. بتسد جوعه
بيعف نفسه ...وما يمد يده
كل اللي شاغله... دينه يسده
جالي وقالي.. احكي حكايتي
لاجل الاحبه ..تفهم وتعقل
ان زكاتهم..... ليها الف باب
على العفيف ..ليه بتنسى تسئل
دا ربك بياخد بالأسباب
اصحي وصحصح
متنامش مني
اصحى يا خويا انا مش بغني
اصحي يانايم وحد الدايم
اذكر لربك اذكر يا صايم
قوم صلي فجرك
قوم صلي حاضر
امسك كتابك ..خليه في يمينك ..
ابدء في يومك بذكر ربك
اقفل جهازك قوم صلي فرضك
رمضـــــــــــــــاااااان كــــريم
&&&&&&&&&&
بيبو السويفي .....المسحراتي
أعجبني
تعليق
إرسال
ليست هناك تعليقات:
إرسال تعليق