كارهاني

 كارهاني

وشايفة اني مش نافع

وعايزاني

اكون مهتم ومتابع

وساكتة لأنك عارفاني

عارف ان كله خداع

اذيتك لا يا اذياني

وعمر حقي ما ضاع

يوم العشق يبقى نفاق

ويوم الطبع يتغلب

ماهو زيك مافيش عشاق

في ناس غدارة وبتقلب

وبتحسب مافيش حساب

والدنيا لعبة في ايديهم

ده ربك سبب الاسباب

عليهم مهما كان ليهم

وانا حقي ماهو هين

وقلبي لسه متعور

خدوني سهل وحنين

سابوني صعب متكسر

وانا اقدر

اخد حقي وب ايديا

لكن نفسي اشوف اكتر

وحق إللي اتعمل فيا

من غير ما ايديا تتعكر

كفايا قلبي كان مخدوع

وعقلي تحت تأثيرك

مسيرك تبكي احلى دموع

وانا أفرح مع غيرك

وهاتي كل ما عندك

وشوفي ايه هيحصل لك

لا هارحمك ولا هاسامحك

مسير ردي هيوصل لك

كارهاني

عشان الحب مش فيكي

ولا رحمة بتشوف قلبك

دعايا إللي كان ليكي

بقى عليكي وعلى اهلك

اعوذ باللي خلق الخلق

من الغرور والشيطنة

لو اكره ليا حق وحق

وانسي زمان الجدعنة

كارهاني

أحمد صبري

كل التفاعلات:

١١