يسألون
بيسألونى ايه مزعلك
بس بصراحه اللى
مزعلنى كتير
يجيلى أفندى وبيترسم
ولما فتحت صفحته
مطلعش حتى خفير
لابس هدمه مش هدمته
حتى الكلام مش كلمته
حتى النظره مش نظرته
دا عيون تعالب
اعمل معاه ايه فيه
حاولت اصده كتير
دا الطبع فيه غالب
وديل الكلب ما ينعدل
لو علقوا فيه قالب
دا عيونه غايره
عيون قوية
وغداره وخاينه
وعامل زى البير
لا ليه قرار
ولا ليه كبير
ويرجع بخبته
عاوزنى أنا اكون
حبيبته
وعامل فيها فتى
الزمان
ارجع يشاطر مالك
امان
دا الشط غاير
والبحر ساير
وعلشان تكون
عوام
لازم تكون امير
خيال
بضاعتك بايره
وعيوبك باينه
والسيره لفه حوليك
ودايره
بيسألونى ايه مزعلك
واللى فى خيالى
بعيد عن بالى
قوى يحمى عيالى
يشد حيلى انشد
ليالي
قربه منى عفيف
وغالى
وتحلى الليالي
فى انس و محبه
ونجوم تلالى
وانفاسه عافيه
وعيونه نديه
وعن امالى فانا
امالى ماتنتهيش
واللى زيك ما تنفعنيش
بقلم
ملكه أبو الدهب
ليست هناك تعليقات:
إرسال تعليق