* * * زق الوجع * * *
للشاعر /صابر الشناوي
زق. الوجع
وإكسر جدار الشرنقه
وإفتح بيبانك . للأمل
إرسم ملامحك في الخيال
عصفور عمره ما يشبع زقزقة
إفرد جناحك في السما
وخلي العيون . متبسمه
الدنيا . قاسيه . مفرقه
وإنت البعيد دايما عنيد
بتشد بإديك ألوجع
دامت لمين؟؟
من صغر سنك وإنت
عنيك بالألم. متكحلين
زق الوجع عن سكتك
وإفتح بيبانك ع المشاع
وبلاش تفرق في الطرق
عواطفك ع الناس الجياع
إرحم. مشاعرك م القلق
مين إشتري ومين اللي باع
إكتب قصايدك ع . الورق
قول للحزن الفين وداع
العمر . منا بيتسرق
مع ناس ف طباعها الخداع
إضحك في سرك ع اللي فات
الحرب محتاجه . الشجاع
الحب لو. عشته سكات
قول على القلب الوداع
كسر. جدار. الصمت فيك
زق الوجع خارج حدودك كلها
آمن. تملي. بقوتك إضحك وعيش
وإسرق. من . الدنيا . الفرح
وقول . لها. وكلك أمل
طول ما العمر فيه لسه باقي
قلبي . هيفضل في السما
عصفور له. ألف. جناح . وريش
ليست هناك تعليقات:
إرسال تعليق