رمضاااان كريم

 رمضاااان كريم

مسحراتى منقراتى داير ليلاتى

اصحى يانايم فاضل على الفجر خمس دقايق

سماح دى النوبه راحت عليا نومه

كل واحد فيكم يلحق بق ميه

وان شالله تصبح هنه وتعدى بيه ساعة الضهريه

فيه ايه ياعم مالك شابط كده بالحنفيه

ادينى ياعم شربة ميه

يمين كبير مانت للميه دايق وابعد عنى انا مضايق

دانا مفطرتش وطول الليل بعافر اصحى ام العيال

كمنى وصلت البيت متاخر اتمردت عليا وخلتنى انام جعان

اعوض باه فى الميه يمكن يعدى اليوم فى امان

وعم عوض وكانه عقله خف طلع يضرب كف على كف

وبيصرخ ويقول عليه العوض ومنه العوض

مالكم بتشربوا بفجاعه وكانى شايف بلاعه

هو محدش قال ليكم ان الفجر اذن من ساعه

وانا لسا راجع من صلاة الجماعه

أتلم انت وهو وهو رمضان كريم

كل واحد يقضى اليوم بعد انتهاء الشهر الكريم

واوعوا تعتبروا اليوم انكم صايمين

عملها فيكم المصرى اللئيم

كل سنه وانتم طيبين

المصرى الشاعر

عرض الرؤى

معدل وصول المنشور: ١٨

كل التفاعلات:

٨أنت، وElmasry Alshaer، وHanan M. Ghaith Jundii و٥ أشخاص آخرين