عمرك يا امي ماهتتنسي

 عمرك يا امي ماهتتنسي

من الطفولة

من يوم ما كنا بمريله

من قبل اولى

ومن الصبا لحد الرجوله

بتربي فينا وتأسسي

لو حد فينا قال انه جاع

او حتى بس حس بصداع

بتكوني قُوته

حتى ف سكوته

ودواه يا امي من الاوجاع

عمرك ما قلبك يوم اسي

لو حد مرة عن وقته غاب

او راح وطال بيه الغياب

دايما عنيكي مسهره

ودنك كمان ع الباب

قلقك جواكي بتحبسي

لو حد بات شايل هموم

ما تشوف عنيكي ولا ثانية نوم

غير لما يصحى

من النوم يقوم

بتزيحي عنه

وكأن همه

سهرانة بيه بتتونسي

مهما السنين عدت وراكي

هتفوت بسرعه ونكون معاكي

دعواتنا يامه تحضن دعاكي

وهوانا بيه تتنفسي

عمرك يا امي ماهتتنسي

بقلمي/ خالد جمال ٢١/٣/٢٠٢٤

عرض الرؤى

معدل وصول المنشور: ٨

كل التفاعلات:

١ارق ملاك