العفاريت
اللي يقولك مفيش عفاريت
ده يبقى يابني عبيط
لا بيزهقوا ولا يتعبوا
نازلين كمان تنطيط
ده شئ ما فيك تستوعبه
لو كنت يابني حويط
ممكن بصوت فيك يرعبوا
او ع البيبان تخبيط
عيشتك عليك بيصعبوا
ممكن تسيب البيت
من بين ايديك يتسرسبوا
دول ميه جت ع الزيت
لو يأذوا فيك أو يرهبوا
ده الحل سهل بسيط
بذكر الإله يتكهربوا
تولع بناره تشيط
ما فيه شي عليه تستصعبه
ربك بخلقه محيط
سلام قولا من رب رحيم
بقلمي/ خالد جمال ٦/٣/٢٠٢٤
ليست هناك تعليقات:
إرسال تعليق