قصيدة بعنوان
(وهاخبي ليه؟؟؟؟!)
وهاخبي ليه مادمت
عارفه كل شيء.
أنا قلبي لما دق لك
جالك نظيف
مافيهش فيه غير
حبة قصايد
كنت كتبها من زمان.
عن بنت حلوه
وجميله ماإنت عرفاها
بنت الجيران.
وأنا قولت لك عن إسمها
وفي كل القصايد
قولتها وهاخبي ليه.
مادمت عارفه
حكايتي كلها من
البدايه للنهايه
لا كنت بتاع
قصص ولا بنات
ولا أحب أحور وأعمل
فكاكه وأغمز وأقعد
على المصاطب بالساعات.
لكن أقول لك بصراحه
هي بارضو كانت تنحب.
كان ليها قوام بنت الإيه.
كل ال فيها لا كنت أقدر
أوصفه كنت أبص ليها
بعيني وأتبهر كامله من
كله عليها عود يقلب العقل.
فوق تحتاني ويخليه
ديما شتات.
كنت أقضي وقتي كله
أنظر ليها كانت تمشي
تهز الأرض وكل ال فيه
يهتز وأنا في سبات.
عيني تسبقها بالخطاوي.
منين ماتروح متفصل
جسمها وعينيها لما تبص
لك تلاقي فيها كل
الحاجات.
ماكنتش أقدر أميز
عينيها من سحرهم
هل هما خضر ولا زرق
ولا سمر عسليه يمكن
الله أعلم وإن صح
قولي كنت أسلم
وأفضل الصمت والسكون
بدون كلام أخليه
سكات.
وأنا بارضو مش أي
حد أنا كنت راجل
مش لي زي كانت
لي هيبه وشموخ
وكبرياء ومش راميه
طول وعرض لكن
بإحترام وإحترامي
لنفسي كانت ميزه
وصفات.......
بصراحه وبدون
ما أكدب خلصت فيها
كل الشعر وكل الكلام
إل يتوصف ودا كانت
ذكرى جميله من
حياتي كانت مجرد
ذكريات.......
وهاخبي ليه
8/2/2024
(ترنيمات وخواطر.بقلم...........)
(شاعر العاميه/خيرى حسنى..)
ليست هناك تعليقات:
إرسال تعليق