قصيدة بعنوان
(من قلبي؟؟؟؟!)
من قلبي ليك كل الهنا
من قلبي ليك كل السرور.
من قلبي روح
يطمني عليك منين
ما تلف أو تدور.
لا هابكي ولا هاتحسر
عليك أهوإنت واحد
من ألف واحد
والدنيا مبدوره
بدور.....
على فكرة
وبدون تعجب.
بارضوا هاترجع هنا.
هاتلاقي في قلبي
ليك مكان والله
وبدون غرور.
هاتلاقي لك
باني قلبي
كله قصور
ولافف حاوليه
سور عالي
بارضو ومش
أي سور.....
صحيح هاتفرح لك
يومين لما تروح
وتهاجرني ياريت
تكون فاكرني
أنا كنت ليك بيت
وونس فارش لك
الأرض زهور.
بتمنى لك الرضا
ترضا مع إنك
إنت ال كنت ديما
تثور وتحبقها
على أتفه كلام
وتقولي في
كل مرة
مع السلامه
غور.
أنا أخدت منك
غير وجع
وغير آهات مع
الأنين مع العذاب
بمنتهى
القسوه والفجور.
أنا كنت أجي لك
وأسامح لما عينيك
تسح بالدموع
على الخدود
أنا قلبي كان بيتوجع
رغم إنه كان
لك كله نور.
عمري مارديتك
خايب الرجا
وحضني كان بيلملمك
رغم عذابك
كل دور.
فاكر ولا أفكرك
ناسي لما قولت لي
مش هاسيبك.
وأديك سبت
بالسهوله على أول
غلطه غلطتها
مع إنك إنت السبب
في أول ظهور.
ظهرت بأبشع
الصور كأنك وحش
كاسر خارج من
بعد موت من
القبور.......
الله يلعن دا
أبو الحب ال يخلي
الحبيب ينسى
حبيبه في لحظه
ويمر عليه مر الكرام
كأنه ماجاش ولا
مر من هنا وكان
له مرور.......
من قلبي ليك
كل الهنا من
قلبي ليك كل
السرور....
على فكره قبل
ماتروح من هنا
أنا هاحمد ربنا.
لأني ما غرقتش
في بحور حبك
دا إن كان لك
بحور.....
وسلام
ومع السلامه
يا صاحبي
7/2/2024
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق