7مارس ======
************************
امد ايدى ياريت بس توصل
لحد اشياقى
وتقولى جيتى
واسلم عليكى
وانادى واحضن
ياروح لسه مخاويه فى روحى
محبة وتلاقى تأخى ومودة
ورغم العواصف وظلم السنين
باشوفك فى ضحكة
فى نغمة (حليم )
فى وش القساوة ووجهى الحزين
ياذكرى نبيلة ترطب فى قلبى
قساوة اليقين
تخضر جناينى اللى جفت حنين
ياريت بس اشوفك بيبانك مواربة
تمد لبكرة شعاع الحنين
وتهزم فى يومى جيوش انهزامى
بنظرة تواصل
تهد الفواصل
وتغزل لقلبى
فى وسط ضبابه نجومه اللى شاردة
يادنيا جديدة بنسمة ووردة
تعالى بس نحكى
حكاوى الصغار
ونلعب ونجرى نجيب انتصار
يا عمر فى (ِجينى )
بيخلق جنينى
فى كل نهار
يا شمسى وفرحى تدومى تدومى
لقلبى عمار
سلامتك فى يومك فى شهرك فى عمرك
يا احلى خضار
يا من لسه ساكنة ضميرى ووجودى
يا كل ورودى
يا كل اللى فيا
بسلم عليكى
لانك وجودى وكل الحياة
يا ضمة وناسيه فى صدرى ميعاد ى
بااحس وجود ك فى كل ميلاد ى
شفايفك بتحكى برغم بعادى
واسمك غناى تقولها بلادى
امد فى ايدى يا احلى ارتحال
يا اجمل حقيقة فى شكل المحال
=============================محمد عبد المقصود داود
ليست هناك تعليقات:
إرسال تعليق