======- لاانا قادر اعيش بيكى
لاانا قادر اليكى اعيش
ولا عارف بيكى اعيش
انا الغايب فى محراب عشك
وانا الرَاسِى على عشقك
لكنى فى الحلم بناديلك
اخصمك فى الصباح يمكن
اشوف فى القمرة منديلك
وامسح دمعة مشتاقة لنظرة وتحكيلك
لا انا قادر بعيد عنك اعيش
ولا فى قربك اكون منك عيش
ويسالنى الجميع مالك
اقول السر فى جمالك
يا سارقة العمر بدلالك
قولى لى يوم جيالك
افتح كل ابوابى
وانادى كل احبابى
زهور اشجار وليل بالضو يحلالى
ساعات احلم وامحى سنين
ما كان فيها خيال ضلك
انا اللى عشقت كل يوم ضلك
غيابك دراما حزينة فى عمرى
ما بتسبنيش
وحبك اكبر وجع فيا حارمنى اعيش
غيابك سحب روحى لساحة ذكر
كما الدراويش
بااعيش العمر متحير ما بين عجزى
وبين حلم ما عيشنيش
يا رعشة حب خانقانى
قولوا لحبيبتى غيرها مفيش
=================محمد عبد المقصود داود
ليست هناك تعليقات:
إرسال تعليق