* * * فكي قيودي * * *
للشاعر /صابر الشناوي
فكي قيودي وسرسبي
حبه مشاعر على الجبين
اللي اشتكي هجر العواطف
انا مش صنم ولا جسم
محطوط في الكفن
دابت مشاعره من السكن
جوا قيودك
كام مره أجي وآحلفك
بلون خدودك
ليه بكى في قلب
محطوط في الكفن
ولا هسالك ليه
حارمه عودك يتفرد
على مشاعري كلها
أنا قلبي قادر يحتوي
كل فيكي من شيم
لاني شاعر مش صنم
مكتوب علىه
يفرد كلامه في الهوى
ف يلاقي حد يلملمه
جوا ضلوعه المشتاقين
تشرب حنين
فيرتوي كل اللي باقي
منها
وتعيش سنين جوا الصبا
تسمع غناوي العاشقين
فيتولد جواها مليون أمل
تفرح تعيش
فكي قيودي انا مش صنم
ولا هرضي قلبي يتظلم
وانا بين اديكي
ولاهاقبل عيني تتحرم
من نور عنيكي
ولا مشاعري تتهزم
قدام عنادك
مهما التجارب قستك
ومهما زودتي في بعادك
انا بعشقك رغم قيودك
كلها حاسس غيابك
في المبتدي انا عشقتك
في الخيال
وكنت فاكره شئ محال
ان قلوبنا تلتقي وتبقى حقيقه
ولا الف مليون طريقه
من البشر تجمع قلوب متفرقه
دا هو ترتيب القدر
وهبت قلبي لك سكن
وضلوعي تبقى لك وطن
وكتبت لك ألفين قصيده
توصف مشاعري كلها
وبعلن حبي على الملاء
وانشره في مليون جريده
فكي قيودي أنا مش صنم
ولا قلبي دا حته حديده
واكبر دليل نزيف مشاعري
على الورق كان كله دم
كتبت بيه ليك تلك القصيده
ليست هناك تعليقات:
إرسال تعليق