الحب

 الحب

مش كلمة

ولا نظرة

ولا تنهيدة

ولا غنوة

ولا كلمتين

في قصيدة

ولا دمعة علي الخدين

ولا سهرة في ليلة قمرة

مع نغمة حزينة

الحب

عهد وعقد ما بين اتنين

الحب

روح واحدة ما بين جسدين

ابص في عيونها

اشوف نفسي

وهي تشوف الدنيا

في عيوني

اشم ريحة أمي

في احضانها

وامان الدنيا في احضاني

بلمسة ايد علي شعرك

الأقي نفسي جواكي

تبصي في عيني

ولو ثانية

تلاقيني كتاب مفتوح

وقلبي في حضنها

بيفرفر

زي طير مدبوح

اغير عليكي من نفسي

اغير حتي من

همسي ومن لمسي

اغير حتي من. حضني

ضميني يانور العين

والحب

عهد وعقد ما بين اتنين

غير كدة

يبقي تسالي وتضييع وقت

بقلم

احمد محمود

من ديوان سكة العاشقين

عرض الرؤى

معدل وصول المنشور: ٨

كل التفاعلات:

١١