على عيني
________
خدوك مني
وسابوا العين بدون نيني
نواك عني
خدوك مني
كدا تهيني
ولا فارقة معاك عشرة
وخوفي عليك سنين فاتت
وفارد جبهتي للنار
وصادد حلقي زاده مرار
ولا حاسس
وكاتم حتى لون صبري
ولا حاسس
غير ب اللي طاش فاتني
تشوف زعابيبه
تتلخبط وتتخبط وبتلومني
وخوفي عليك
شادد روحي بلا روحي
ومربوحي
أشوف ضيك قصاد عيني
على عيني نواك عني
مفيش ولا كلمة هسمعها
فمرجوعها يعود لقساك
جفاني هواك ومش هنساك
عشان القلب يتعلم ما يتألم
ويسكن حي أشباحه بأوجاعه
يعيش القلب يتناسى لكي ينسى
يعود إنسان
بقلم/وافي إسماعيل الشلبي
ليست هناك تعليقات:
إرسال تعليق