خايف عليكي يا مصر

 خايف عليكي يا مصر

وقلبي مش مطمن

خايف من كلاب العصر

ومن شر قرب وبيدمر

رايحة فين يا بلدي

والسكة مش باينة

والعين في وسط الراس

ولا العيون نايمة

وولادك مصحصحين

ولا الغفر نايمة

ويامراكبي شد القلوع

وخلي المراكب عايمة

عيون الأعادي علينا

وسهامهم اهي قايمة

بالغدر متحصنين

وعيونهم علي السكة

وصبيان المعلم كتير

وقاعدين علي الدكة

مستنين منهم الأشارة

فاضلهم تكة

فين الخطوط الحمرا

ومسافة السكة

واحنا كمان جاهزين

وودانا مع البروجي

وأن ضرب البروجي

في. سينا

اتجمعت مصر تلاتات

وان زعق الشويش في الدرة

نستدعي الأجازات

دي الموجهة عالية قوي

وغير كل اللي فات

والحرب دي حرب وجود

ورمضان داخل علينا

والجودة بالموجود

والتعلب فات فات

وعينة علي الحدود

بس انت صفي النية

ورب العباد موجود

بقلم

احمد محمود

عرض الرؤى

معدل وصول المنشور: ١٠

كل التفاعلات:

٢اياداسماعيل الزواوي وارق ملاك