أغنية للتوثيق بقلمي صلاح شعبان الفيداوي القاهرة
١٠/٢/٢٠٢٤
===== إنتي أحلى حاجة =====
فيكي أحلى حاجة
مش لاقي ليها وصف
شيء حلو وجميل
ومعايا ميت دليل
لأ قولي معايا ألف
فيكي أحلى حاجة
***************
إنتي فيكي الصراحة
والجد حلو منك
فيكي طيبة وسماحة
والعقل معدي سنك
بحبك لأن إنك
فيكي أحلى حاجة
****************
جمال مالوش مثال
يتغني بيه موال
أنا عايزك في الحلال
والروح ليكي محتاجة
فيكي أحلى حاجة
**********
ياجميلة بطبع هادي
وعمري معاكي بادي
وهنسى كل اللي عده
لو حلو أو لون رمادي
معاكي شفت السعادة
فيكي أحلى حاجة
و هتبقي كل حاجة
*****************
بقلمي
صلاح شعبان الفيداوي
القاهرة
١٠/٢/٢٠٢٤
ليست هناك تعليقات:
إرسال تعليق