جمر ف قلبي
رموشه سيدي عنيه عمي
خدوني سهوه على مشمي
من غير ماشوف ع المتغمي
سهم الرموش سيّح دمي
قطّعني سابني كده مِرَمِّي
نني العيون نمِّل جسمي
اول ما شوفته نسيت اسمي
توهني جاب لي جنان رسمي
امّا الخدود ورد مندي
بيفوح عبيرها امّا تعدي
والخال عليها بلون وردي
دايما معاه فرحي وسعدي
شفايفه دي فرولايه بلدي
مرويه من ميه مواردي
بلمحها اجوع لو متغدي
ياما نفسي المسها بيدي
أو ادوق جمالها اللي معدي
ده الشوق يا ناس جمر ف قلبي
ياه ع القوام لما بتمشي
خطوة غزال فَرَسه بتمشي
من غير لجام مابترحمشي
م الشوق كده ماستحملشي
بلاقيني وحدي وراها بمشي
قوام يا ناس سهر رمشي
كان قلبي بيه ده مايحلمشي
وعشقت فيه وانا ايه ذنبي
جمر ف قلبي
بقلمي/ خالد جمال ١٨/٢/٢٠٢٤
ليست هناك تعليقات:
إرسال تعليق