========##- اسكندرية ##====== ==*********************************************************************===============محمد عبد المقصود داود===

 ========##- اسكندرية ##====== ==

*********************************************************************

اسكندرية حلم الطفولة

اللى اترسم على كل اشجار البراءة

قصيدة الشعر اللى اتعلقت فى كل جدران البيوت

وشجر التوت

حلمى اللى دوخنى بين القمر والسهر

جنة مدينة الذكريات والبحر

جنين الاحساس بالحياة والمطر

رحلة العجز بين حبيبتى والامل

مشوار مشيته وما اكتمل

محطة الرمل والصحبة

ومحطة اخر العمر والغُرب

اغتراب العواطف جوا عيون حكايات البنات

الاشتياق للكتف الوفى

والايد اللى بتمدك بقوة حياة

اسكندرية ميلاد الدموع فى الليل والحلم

شوارع الاشتياق

انا سميت شارعنا باسمك

عشان افرح باللقا

واسافر بعيد وارجع الاقى روحى متشعلقه

واشوف ورود الشارع كانها متزوقه

اخد الشمس فى دراعاتى

ونعيش لحظات تريقه

نسبح بحمد الذكريات

ونقيم الصلا

اسكندرية العشق وسنين الامنيات

فيروز فى كونشيرتو العذاب

تايه فى بحر من غير قرار

باكتب نسايمك فى القصيدة بروح مشتاق

باحلم اعيشك ع الورق من غير فراق

واحلم باتى اقدر احضنك فى الشتا

وقت ما يدق السحاب ابواب السما

زى طفل يحلم ينول منك دفا

ومن طهر دمعك ارتوى

اتغطى من برد الذنوب

انا لسه باسرق من عيونك سكتى

واحلم بالنصيب يملكنى دفتى

اسكندرية محتاج اليكى قبل ما ادخل فى الحشرجة

قبل الغرق ما يبل روحى المتشرنقة

اسكندرية البعيدة والقريبة

اسكندرية المُوحشة والطيبة

===============محمد عبد المقصود داود===

عرض الرؤى

معدل وصول المنشور: ١٥

كل التفاعلات:

١ارق ملاك