حقك ده يا عم
إن قولتله مرة اقعد جمبي
بيقوللي اتلم
لو اعاكسه بكلمه بيقفلني
ويرد يا سم
احترت معاه وغلب غلبي
وطاويني الهم
وبحبه يا ناس ولا على باله
وكأنه صنم
بعنيا وروحي بقولها له
وبملو الفُم
واندهله يسوق فيها دلاله
يعمللي اصم
ده ف عز هيامنا بيحلاله
يقلبها بغم
فاض بيا خلاص من أعماله
وطفحت الدم
قررت انهيها واقولها له
وارتاح م الهم
مانا اصلي خلاص مش على باله
بلا حرقة دم
ولقيته ف لحظه عنيه مالو
وحلف بالأُم
قال حبي ف قلبه ده راسماله
يفديه بالعمر
ودموع العين سرقوه وسالوا
وشرحلي الامر
بيسوق ف الهوى ليا دلاله
علشان اهتم
قولتله يا حبيبي عادي ومالو
حقك ده يا عم
ده دلاله علامه على جماله
على قلبه الحر
نسي قلبي ف لحظه اللي جراله
وليالي المر
اتدلل على قلبي وحاله
يا حبيب العمر
بقلمي/ خالد جمال ٢٩/٢/٢٠٢٤
ليست هناك تعليقات:
إرسال تعليق