النݣافة!
( زجل مغربي)
ليلة اليوم ليلة زاهية
حاملة الورد والمحبة
تدور وتطوف فوݣ العمارية
الناس تسفق وتشوف
ولعريس فرحان وعقلو مخطوف
النݣافة مرة مثولة
حافظة صوارها وحادݣة
تعرف أسرار كثيرة
ݣدام الناس تشير بيديها
وبصوتها تصيح وتلالي
كلام موزون كلو معاني
يسلب لعقول ويفيق الراݣد
كلام يبهر كل حاضر معروض
كلام مصواب يخليك مبهوض
فراجة زينة فهاذ الليلة
النݣافة شاربة ماء صافي ونقي
ماء من خابية طقوس لمدينة
غادية تتقدم وتفرش
فراش يليق بالعروسة
غادية خطوة.. بخطوة..
مشيتها ديما محسوبة
تبهر الناس بالصواب والنخوة..
توضح أمور متنوعة وكثيرة
عروسة لعريس مسرارة
ولعريس نخوة وطمارة
-بقلم: محمد دومو
-مراكش/ المغرب ( 01 يناير 2024 )
ليست هناك تعليقات:
إرسال تعليق