خليك واثق ديما انه

 خليك واثق ديما انه

إللي يحبك مش حيسيبك

وإللي تحبه احضن قلبه

حتلاقي نبضه ف وريدك

اصل الحب اتنين بيحنو

ومشاعر بتحس ب ايدك

حد لا يمكن تشبع منه

لو راح يشتاقك ويجيلك

إللي يحبك مهما هيحصل

راح يبقى متمسك بيك

كله هيرحل هو حيفضل

لو تضعف هو يقويك

مهما الكل يخون ويبيع

بتلاقي هو اللي شاريك

يبقى في عز الحر ربيع

من بردك هو مدفيك

إللي يحبك اوعى يروح

اصل الحب ده زئبق احمر

وحياتك تخلص وتروح

وانت لسه عليه بتدور

لو قابلك صونه واحميه

لو تغضب اوعاك تتهور

ان سيبته هتتعب بعديه

ولا ليله قلبك حينور

إللي يحبك حاجة جميلة

ف ايامك تسعد أوقاتك

و الدنيا أيامها قليلة

وبتطول على اد آهاتك

الفرحة ف بساطة وبيت

وعيون مشتاقة لنظراتك

وما بينكم قصة وحواديت

وحياته معناها حياتك

زئبق احمر

احمد صبري

كل التفاعلات:

١١