يا دنيا كفايه

 يا دنيا كفايه

بقلمي الشاعر محمد عبد العزيز رمضان

يا دنيا كفايه م الجراح

مش هبكي أنا ابدا ع اللي راح

الليل لو طول فيه صباح

ويا قلبي خلاص

أنا هبعد عنك مش هعيد

ولا هرضى بقربك من جديد

يا خسارة معاك أنا مش سعيد

راح الإخلاص

ومشيت من غير ما تقول وداع

ورمتني أنا وحدي في الضياع

ويا ريتني ما عشت في الخداع

مات الإحساس

غدار عيشني في الوعود

وفرشلي طريق مليان ورود

مش هقبل تاني ليه أعود

وغلبت يا ناس

كان كل حياتي كان حبيب

كان عمري ومني كان قريب

طب باعني وسابني ليه غريب

أهو راح وما جاش

أديته أنا حبي والحنان

أديته الراحه والأمان

من ظلمه سقاني هو خان

ويا قلبي بلاش

سهران الليل بنده عليك

أنا ياما كتير حلمت بيك

فاكرك والله مش ناسيك

وما بستغناش

أنا نفسي أكون دايماً معاك

وهوايا ياعمري يكون هواك

يا خسارة ياقلبي ليه رماك

ليه ما استناش

وكفاية كفاية م العتاب

قفلت ما بينا ألف باب

طولت البعد والغياب

ما تغلبناش

ههرب من قلبي أروح لفين

دا حبيبي حياتي من سنين

َوالشوق دا غلبني والحنين

ما تزودهاش

يا دنيا كفايه م اللي فات

بحلم والحلم ضاع ومات

أنا نفسي نعيد الذكريات

وما نحسبهاش

عرض الرؤى

معدل وصول المنشور: ٦

كل التفاعلات:

١ارق ملاك