دي بيضا والعبايه سوده
بشوفها يا ناس وبتلخبط
وسمره لابسه ع الموضه
وفيها القلب متشعبط
فتحتله بابي قام جاري
وسابني بحيرتي متحوط
تاخدني بضحكه للعالي
تسيبني اسير ومتربط
لو ألمح طيفها طوالي
بفوق لو كنت انا مهبط
وضغطي حتى لو عالي
بشوفها الضغط يتزبط
شفايفك شهد رباني
عسلها عليا بيسقّط
وهمسك لحن موالي
نغم ف الروح ومستوطن
وحالي مهما كان حالي
بيبقى معاكي متسكر
وبلقى العمر يحلالي
وباب الحزن متسكر
يا سمره والخدود جمره
وسحرك فيكي متنكر
دلالك زي كأس خمره
بيسكر روحي ويخدر
وعطرك سال ف وجداني
ف جدب القلب بيخضر
معاكي الكون بيحلالي
بروق لو بالي متعكر
ما بين البيضا والسمره
شموعي تئيد وبتنور
ومن غيرهم ماعيش ثانيه
وعمر حياتي ما اتصور
دي سمره نجمه ف العالي
وبيضا بدر ومنور
بقلمي/ خالد جمال ١/٢/٢٠٢٤
ليست هناك تعليقات:
إرسال تعليق