عصي موسي
ولا املك عصي موسي
ولا خاتم سليمان
ولا احلامي منحوسة
الستر مغطيني
ورضا ربي بيرضيني
وعمر ماشافت عيني
غير فضل وعرفان
الصبر اما يمرر
بيحليه كتماني
والحظ اما يزمجر
احاول تاني وتاني
والدنيا اما بتضحك
اقولها والله زمان
الناس ليه بتستعجب
لما تواجه ازمه
وكمان ليه بتستغرب
من تشتيت الحزمة
علشان شاغلين بالهم
باللي معدلوش لازمة
وماشيين علي بركان
ولا املك عصي موسي
ولا خاتم سليمان
ولا احلامي منحوسة
ولا يشغلني فولان
شاعر الحارة المصرية
صلاح سليمان
تحياتي
ليست هناك تعليقات:
إرسال تعليق