متفرد

 متفرد

يا سلام ع الرقه يا ناس حقه

ده جمال متفرد

يا سلام ع النني اللي قاتلني

بسلاح بيهدد

يا سلام ع الخد اللي الورد

نعسان على خاله وبيمدد

يا سلام ع الحسن وع الغصن

على قد معدي ومتسيد

يا سلام ع الرمش ما يرحمش

بسهام على قلبي انا بيسدد

يا سلام ع التقل خد العقل

غاوي يأسى عليا ويتبغدد

يا سلام ع القصه وع الشعر

اللي ف سريانه تقول شعر

وتعيد وتزود

يا سلام ع الجفن اما يسلم

بيناجي القلب ويتكلم

ف قلوب العشاق بيعلم

للروح يتودد

ويا وعدي على النور ف جبينه

مانشوفشي البدر وشايفينه

بيهل بعطره ورياحينه

ف الليل بيبدد

واللمسه يا ناس سحر ف ايده

بتداوي القلب وتنهيده

بتزيح ف الهم وبتبيده

ايامي بتسعد

كل اللي انا قلته عليه شويه

ما يجيش ولا واحد ف الميه

ف الحسن معدي البشريه

لا حروفي تطول ولا معانيا

لا كلام يتقال ولا اغنية

ولا وصف يحدد

متفرد

بقلمي/ خالد جمال ١٩/٢/٢٠٢٤

عرض الرؤى

معدل وصول المنشور: ١١

كل التفاعلات:

١محمود الشاعر