بتقوللي احلف
انك تعيش العمر ليا
وتخاف عليا
ماتنسانيش لو حتى ثانيه
دارك عنيه
ولا عمر وعدك ليا تخلف
بتقوللي احلف
مابيداويش غير لمس كفي
مابتترويش إلا بشفايفي
ما تجيش عليا وتكون ف صفي
قلبك حنون وتملي يعطف
انك جمالي وسحري بَهَرَك
ومعايا يحلى نومك وسهرك
ولا عمر ليله تديني ضهرك
او عني نظرك مره تصرف
بتقوللي احلف
ما يبات ف يوم خصام ما بينا
وان كان فيه لوم يكون ما بينا
نطوي الهموم ونعيش ف جنه
ربك بفضله علينا يخلف
قلبين كده وبينهم سماح
ماهو بالرضا تطيب الجراح
واقفين سوا ف وش الرياح
لو جايه تعصف
بتقوللي احلف
بقلمي/ خالد جمال ٩/٢/٢٠٢٤
ليست هناك تعليقات:
إرسال تعليق