من حكاوى النكديه
دستور يابنات الحور
يامسا الهنا والانوار
ردت اسمه ايه ده كمان
ياستى انا الغلبان جريح القلب وهيمان
ردت بعينك يابصباص
مانا قلتهالك من عشر سنين على الخاص
وفتنت وقلتها لكل الناس ياخباص
وكتبتها على بابك وخليت اسمى لبانه عند اصحابك
رديت /سعتها فرحت بعد ما اتحرمت منها من عشر سنين
كنت سعتها سنى يدوب حاجه واربعين
وانت كان سنك سبعه وعشرين
يعنى النهارده مر علينا من السنين حاجه وعشرين
وسعتها فتحتى الكاميرا وورتينى وشك
وشفت المسكره اللى زينت رمشك
ولون عنيكى العسليه
وفرحت لما عرفت انها لون عنيا
امال لو كنتى شيلتى النقاب اللى على وشك كمان
كنت سعتها قلت كلام غير الكلام ولا فى الاحلام
ومن يومها اطلب منك انك تكرريها تقولى بكره
وبكره امتى اللى لغاية النهارده مجاش
وامتى يلمك بيت بعريس زيى على المعاش وده كمان ان عاش
خلى عندك شوية احساس وسيبك من كلام الناس
ويلا ندخل دنيا تكون على الاد
ومتسمعيش كلام حد
اقولك على سر بس قولى عليك الامان
سيبك من اخينا فلان
اللى بيتنحنح وبيدعى انه ناقص حنان
ومش هكمل عشان الفتنه حرام
خلص الكلام
سلام
المصرى الشاعر
ليست هناك تعليقات:
إرسال تعليق