بالعاميه ياعم ماتقوليش انا شاعر

 بالعاميه ياعم ماتقوليش انا شاعر

أنا دارس انا ماهر انا قارئ انا عارف

دا فضل من ربنا لو اكرمك وأنْعم عليك بالمعارف

والفكره في المبتدأ كلمه

يلهمك بيها العليم ويمن بيها عليك

كلمه وبعدها كلمه

بيت مِن وراه البيت

وشطره فوق الشطره

تظهر معاك المعاني

ولا الشُبيك لُبيك

الشِعر ده موهبه من الوهاب لو انعم بيها عليك

الكلمه

@

هي اللي بتدور عليك وتبقي دايمآ بين اياديك

لو اخلصت النوايا

والحق غالب فيك

تكتبها ...وتعَدِلها وتوزِنها وتِقَفِيها

تِتطوِلها تقصرها كله راجع ليك

ياسلام عليك ياعم عبد الرحمن ياحَراچي

لما كانت الكلمه توحَيَ إليك

نحفظها بين مسامعنا

ونقولها من بعديك

ياما سمعنا الربابه

والسامرين حواليك

إنت تقول الكلام

ترد عليك الربابه

والجوئه تغني ليك

بالفصحي

انا لستُ بشاعرٍ ولكني مُلهمُ

تحُفُ بأذني كلمات من حيثُ لاأعلم

هي كالرياح تأتي إليا بلا نُذُرُ ولا مُنذِرُ

متي جاءت إليا امسك بقلمي وادوٍنُ

.

فياعم ماتقوليش انا شاعر

أنا دارس انا ماهر انا قارئ انا عارف

.....سعيد السبكي محمد علي

كل التفاعلات:

٢٢