الصاحب

 الصاحب

لما أقول إن أنت أخويا

مش شرط أكون من دمك

وبرضه مش ضروري أكون إبن أبوك وأمك

في أصحاب ياما وبنعتبرهم إخوات

لو لبست توب الحزن أو لو مر بيك أزمات

وتفوت منك سنينك يبدلوا الآهات

هاتلاقي ناس فاتوك وناس تعشق تكون وياك

إتمسك بعشرتهم وإياك تفوتهم إياك

الأزمة هاتعلمك

مين كان صاحب جدع ومين بياع كلام

مين إللي كان حقيقي ومين اللي عشرته أوهام

اعرف مين صحابك وإياك تصاحب ندل

خد منه حذرك وسيبه تعلمه الأيام

وإياك من أبو وشين

وش يقابلك بضحكة كبيرة وقلبه بينقط سم

يقابلك يمدح صفاتك ومن وراك بيذم

عيش بدون صاحب أحسن

بدال ماتنجرح وجرحك مش بيلم

ولما تكون حزين من الأول وحدك

أحسن في الهم ماتلاقي حد جنبك

وكتم على حزنك أصل الحزن عورة

ولو مرة قلت حزين الخلق هاتعايرك

#عصام_قابيل

عرض الرؤى

معدل وصول المنشور: ١٨

كل التفاعلات:

١١