وحشتيني
وحشتي الدمعه في جفوني
وحشتي السهد
وحشتي الآهه في ضلوعي
في ليل البعد
وحشتي ورودي وشموعي
وبسمة خد
وحشتي الشوق ف لياليا
وحشتي معاني اغانيا
وحشتي كل حاجه فيا
ضناني الوجد
عليها القلب بينادي
وامتى ترد
دي رايحه الروح ف ميت وادي
و تايهه بجد
وعقلي احتار ومش راضي
كياني اتهد
حبيبي صارحني ليه تعادي
ليه تنسى الود
لو انت ارتحت ف بعادي
لا عمري ارتحت
بقلمي/ خالد جمال ٦/٢/٢٠٢٤
ليست هناك تعليقات:
إرسال تعليق