اوعى تدمَّع

 اوعى تدمَّع

اوعى تدمَّع وانا قدامك

اوعى ده دمعك غالي عليا

لو ف آلامك او ف هيامك

ف الحالتين بيعِزّوا عليا

دانا يا حبيبي بدوب ف غرامك

قلبي هواك ومعاك يا عنيا

رهن اشارتك وانا خدامك

انده بس تجدني ف ثانيه

كل الدنيا ما تسوى يا عمري

انك تزعل بس شويه

لو دمعت وشفتك دوغري

دمعي بينزل سيل ف عنيا

دمع عيونك نقطة ضعفي

اوعى تسيبهم يجرحوا فيا

لما تسيل وامسحها بكفي

زي ماكون أخطأت خطيه

مهما هاقول وهيوصف وصفي

مش راح اقول واحد ف الميه

دانا يا حبيبي حناني وعطفي

مش محتاج لدموعك ديه

ولا اشواقي معاك وعواطفي

واقفين على دمعة حنية

خلي الضحكه دي تملى عيونك

اوعى الفرحه تكون مخفيه

خلي الشوق كحلات ف جفونك

مش بدموع بالهنا مرويه

واما بغيب عنك وارجعلك

خلي الدمعة تكون منسية

دانا من غير دمعات بخضعلك

دانت حبيبي وكل ماليا

اوعى لهمس دموعك تسمع

أو ف عنيك المحها بتلمع

رد عليها قولها ترجع

اوعى تدمَّع

بقلمي/ خالد جمال ١٨/٢/٢٠٢٤

عرض الرؤى

معدل وصول المنشور: ١٣

كل التفاعلات:

١بوحات أمل