قليل الأصل
«««««««««««««««««««
شوزك لو يفلت من قدمك
سيبه للي تشوفه مقاسه
هو حقيقي هيكون خدمك
لكن لو هتقول دا خسارة
ولا فاكرها أصالة شطارة
تبقى ياحلو عبيط الحارة
وهتبقاله ف رجله مداسه
أي قليل الأصل إنساه ..!!
واكسر مليون قُلة وراه
واللي بعدك راح يلقاه
ادعيله يكون له وسواسه
وانت نفض بعده هدومك
إفرح للي فِرح بقدومك
اوعى ضميرك ثانية يلومك
وانسى اصلا ساسه وراسه
شوزك لو يفلت من قدمك
سيبه للي تشوفه مقاسه
هو حقيقي هيكون خدمك
لأنه بجد ... شبهه وناسه
لأنه بجد ... شبهه وناسه
ليست هناك تعليقات:
إرسال تعليق