الأحد، 18 فبراير 2024

كلنا عم ربيع **********

 كلنا عم ربيع

**********
العربى الأصلى عم ربيع
واقف بياع فى وسط طريق
بيبيع فاكهة وتمر وتين
لا عنده رتبة ولا ملايين
لكن أنسان
ليه قلب وأحساس وضمير
شاف تريلات ماشيه طابور
فى صفوف وصفوف
وسرب طويل
رايحه بأكل
لأخواتنا فى فلسطين
وهو فى حيرة يعمل إيه؟
عاوز يساعد أطفال جعانين
وناس مرمية مصابين عاجزين
شبعوا بكاء وصراخ وأنين
من جروح وجوع وبرد شديد
بسبب حرب
من دولة أجرام محتلين
بتعاون دول وجيوش
وكمان حكام جبناء خاينين
ولا بيساووا حفنه طين
طب يعمل ايه ؟ يعمل ايه؟
أم راح واخد حبات فاكهه
يحدف فيها فوق عربات التحميل
يمكن ثمره أو قشره واحدة
تنقذ روح طفل يتيم
والصورة على شاشات التليفزيون
وكل العالم يتفرج ويقول
الله عليه الله عليه
طب ماتقوم يا جبان ياعميل
حرك جيشك وأنقذ شعب
أعزل مطرود بردان مقتول
ولا هى حناجر بس وفعل مفيش
ومنظره وكلام معسول للتطبيل
ارحموا شعب ضعيف مذلول
ما له ظهر ولا حد معين
غير حسبى الله ونعم الوكيل .
بقلم / مها ندا
قد تكون صورة ‏‏‏٥‏ أشخاص‏ و‏نص‏‏
كل التفاعلات:
Tghred Ahmad وشخص آخر

في

ليست هناك تعليقات:

إرسال تعليق

الاشتراك في: تعليقات الرسالة (Atom)

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...