//////+++لالاتلوموني+++//////
لالاتلوموني في حالي
سابح ف مواج ساكن بالي
وانا للي في بحري غادي
راكب اسفينة سر البادي
وحقيقة اسرار عنواني
ارض وسما ريشة فيدو
كبروا وحمدوا حبابي زيدو
في ذكرو ترتاح عشاقو
في مدحو تزهار شواقو
ماحلى حضرتنا ومعانا
في محرابو سيدي وبغانا
هذا مولاي وشحال قريب
مول ليجابة زربة ويجيب
ياللي ماعارف اش بيا
ربي عالم سامع ليا
نتوسل ليه قربي نلقاه
داك نور قلبي المعبود الله
وانا درتو حبابي ولفي
ماعندي عليكم مانخفي
حالي ماشي غريب رباني
حالي حالي للي دواني
من صغري ربي ومعبودي
من خلقني وسباب وجودي
سبحانو مصباح هذا الكون
سبحانو من لطفو سر العون
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق