فرس

 فرس

فرس حبيبي وعليه قوام

والخطوة فيه خطوة فرس

ياما قالوا عنه قوام هجَّام

وكتير قلوب ليها افترس

خد عقلي مني وطواه اوام

وماخدش باله ولا احترس

في الحسن آيه وف الجمال

يتقال عليه ده جمال شرس

ده مالوهشي ماسكه

ولا ليه لجام

ورموش عنيه حواليه حرس

نظرات عيونه زي السهام

والكحل فيها يجيب هوس

والصوت هيام ترانيم حمام

تسمع هديل لو ليك همس

بيزيد جماله إن كان زعلان

وبيبقى احلى لو اتقمص

لمسة ايديه فيضان حنان

يا سلام عليه لو ليك لمس

والسحر فيه كان ياما كان

والرقه تحكي تقول قصص

فرس حبيبي حلى الزمان

والقلب ليه غنى و رقص

فرس

بقلمي/ خالد جمال ١٤/١/٢٠٢٤

عرض الرؤى

معدل وصول المنشور: ١١

كل التفاعلات:

١ارق ملاك