اهداء لروح امى فى ذكراها السابعة
قصيدة/ وحشتينى وحشتينى ياامى وحشتينى
غيابك ياامى على عينى
روحتى وخدتى معاكى الهنا
وسبتينى ف الوحدة عايش انا
هيفضل ليكى وخدنى الحنين
لسه ياامى فاكر حضنك الدافي
ولسه فاكر كمان قلبك الصافى
فاكره ياامى لما لحضنك كنتى تضمينى
وتقولى لى انت اغلى عليا من عينى
كنت بشوف الدمعه ف عينك
لما بكون نايم بتألم
حتى النظرة مابينى وبينك
كانت توصلك من غير ماتكلم
كنتى حياتى انا واخواتى
كنتى النور لينا ف الدنيا
كنتى فرحى وكل اهاااتى
عيشتى معانا وروحتى ف ثانيا
نفسى أغمض عينى ليلاتى
يمكن اشوفك مرة تانيا
ليست هناك تعليقات:
إرسال تعليق