المرسى

 المرسى

اوعى تنسى إني المرسى

مهما تغيب راح ترجعلي

ازاي قدرت ف يوم تأسى

ولا حاجه قدرت تشفعلي

اديتلك اكتر من فرصه

ده كله من خيبتي وجهلى

بنده عليك وشاريك لسه

ليه مشيت ورافض تسمعلي

دي الروح معاك بهواك حاسّه

طب ليه مُصر تلوعني

ده عشان عنيك سبت الدنيا

بعت الصحاب ونسيت اهلي

كل اما أقول هتحن ف يوم

تضحك عليا وتخدعني

ف وعود كتير ولا ليها لزوم

عمال تعيد وتصدعني

عارفك هترجع يوم وتقول

إنسى الآلام و سنين الويل

ساعتها هجري عليك على طول

اخدك في حضني ودموعي سيل

في ثواني هنسى اللي حصل لي

زي النهار ما بيمحي الليل

ولا عمري لحظه عليك هأسى

اوعى تنسى إني المرسى

بقلمي/ خالد جمال ٢٦/١/٢٠٢٤

عرض الرؤى

معدل وصول المنشور: ٢٧

كل التفاعلات:

١١