بوسوا الأيدين واحمدوا
بوسوا الأيدين وش
وضهر وأحمدوه
على الصحة والعافية
زعلان لأنك فقير
دقة وبتعاني
والفكة مش كافية
الرزق قل بطران
حكمته أحمده
رحمة ربنا واسعة
الصحة لو راحت
عمر الفلوس
لا شافعة ولا نافعة
لك جوز عيون
بتشوف بها وودان
مطقطقة وسامعة
ورجل ماشي عليها
فريره سليمة
شايلاك ولا ممانعة
عندك عيال وزوجة
لما يشوفوك
بيطيروا من الفرحة
وناس بتسال عليك
ينشغلوا لو غبت
عنهم لو لحظة
غيرك لا لاقي السند
ولا عنده الولد
مقطوع من شجرة
حاطط أيديك على
خدك وبتشتكي
من أمور فارغة
لحمدت ربنا على
العيال والزوجة
ولا الصحة والعافية
وباصص للي في أيد
الناس وعايزها
مخلصة وخالصة
الدنيا دول من ده وده
بتأخد وتدي
لامكدرة ولا صافية
وكون عبد شاكر وحامد
ربنا وأحمده
في السارة والضارة
شاعر العامية /عبد المنعم حمدي رضوان
ليست هناك تعليقات:
إرسال تعليق